भूतानचे पंतप्रधान दाशो त्शेरिंग तोबगे यांनी पंतप्रधान नरेंद्र मोदी यांच्या नेतृत्वाचे कौतुक केले आणि भारताला अभूतपूर्व विकास आणि समृद्धीकडे नेणारे दूरदर्शी नेते म्हणून त्यांचे वर्णन केले. पंतप्रधान त्शेरिंग तोगबे यांनी पंतप्रधान नरेंद्र मोदी हे आपले मोठे भाऊ आणि मार्गदर्शक असल्याचे म्हटले. ते म्हणाले, ‘पंतप्रधान नरेंद्र मोदी माझे मोठे भाऊ आहेत, जेव्हा-जेव्हा मला तुम्हाला भेटण्याची संधी मिळते तेव्हा मी आनंदाने भरून जातो.’ यावेळी त्यांनी आपल्या भाषणात मोदी सरकारच्या अनेक योजनांचे कौतुक केले. नवी दिल्लीतील स्कूल ऑफ अल्टिमेट लीडरशिप कॉन्क्लेव्हच्या (SOUL) उद्घाटन समारंभात ते बोलत होते.
स्कूल ऑफ अल्टिमेट लीडरशिप कॉन्क्लेव्ह स्थापन केल्याबद्दल पंतप्रधान मोदींचे अभिनंदन करत ते म्हणाले, ही संस्था मोदींच्या दूरदर्शी नेतृत्वाचा पुरावा आहे. यातून भारतासाठी खरे आणि सक्षम नेते तयार होतील. ‘मी आज येथे एक विद्यार्थी म्हणून उभा आहे. या विद्यार्थ्याला आज नेतृत्वाचा हा गुण शिकण्याची संधी मिळाली.
ते पुढे म्हणाले, ‘मी नेतृत्वाचे धडे फक्त ज्येष्ठ महान नेते, पंतप्रधान नरेंद्र मोदी यांच्याकडूनच शिकेन.’ ‘नरेंद्र मोदीजी, मला तुमच्यात एका मोठ्या भावाची प्रतिमा दिसते, जी नेहमीच मला मार्गदर्शन करते आणि मदत करते.’ शेरिंग यांच्या मते, नेतृत्व हे पद किंवा पदवी नाही तर एक दूरदृष्टी, धैर्य आणि बदल घडवून आणण्याची क्षमता आहे. नेतृत्व हा बदलाचा पाया आहे आणि तो समाजाला वर्तमानातून चांगल्या भविष्याकडे घेऊन जातो.
पंतप्रधान मोदींच्या नेतृत्वाने अवघ्या १० वर्षात भारताला प्रगतीच्या मार्गावर नेले आहे. मोदींचे नेतृत्व हे बदल आणि अभूतपूर्व प्रगतीचे प्रतीक असल्याचे त्यांनी सांगितले. यावेळी त्यांनी मोदी सरकारच्या मेक इन इंडिया, डिजिटल इंडिया, स्किल इंडिया, स्टार्टअप इंडिया, स्वच्छ भारत, जल शक्ती अभियान, प्रधानमंत्री आवास योजना, गति शक्ती, किसान सन्मान निधी इत्यादी अनेक योजनांचा उल्लेख केला.
ते म्हणाले, या योजनांमुळे जवळजवळ ३० कोटी लोकांना गरिबीतून बाहेर काढण्यात आले आहे आणि भारताच्या अर्थव्यवस्थेला नवीन उंचीवर नेण्यात आले आहे. मोदींच्या नेतृत्वाखाली भारत विकसित भारत बनण्याच्या दिशेने वाटचाल करत आहे. हा विकसित आणि समृद्ध भारत मोदींचा वारसा असेल. स्कूल ऑफ अल्टिमेट लीडरशिप हे सुनिश्चित करेल की हा वारसा पुढे नेण्यासाठी आणखी बरेच नेते तयार असतील.
हे ही वाचा :
छत्रपती संभाजी महाराजांबद्दल विकिपीडियावर वादग्रस्त लिखाण; लेखकांवर दाखल होणार गुन्हा
सिनेटने मंजुरी दिलेले FBI चे भारतीय वंशाचे संचालक काश पटेल कोण आहेत?
माजी मुख्यमंत्री, मंत्र्यांच्या वैयक्तिक कर्मचाऱ्यांच्या सेवा बंद करण्याची घोषणा
‘महाराष्ट्रातून औरंग्याचे नाव मिटवा, कबरीवर बुलडोजर चालवा’
जगातील सर्वाधिक लोकसंख्या असलेल्या भारताचे नेतृत्व करणे हे जगातील सर्वात कठीण कामांपैकी एक आहे. पण मोदींनी १४० कोटी लोकांची निःस्वार्थ सेवा करून केवळ भारतातीलच नव्हे तर भूतान आणि संपूर्ण जगाचे प्रेम, आपुलकी आणि आदर मिळवला असल्याचे त्यांनी नमूद केले.
भूतानच्या महत्त्वाकांक्षी गेलिफू माइंडफुलनेस सिटी (GMC) प्रकल्पावर प्रकाश टाकताना, तोबगे यांनी त्याचे वर्णन शाश्वतता आणि सकल राष्ट्रीय आनंदाचे दिवा म्हणून केले. त्यांनी या अद्वितीय कार्बन-निगेटिव्ह शहरामागील प्रेरणा म्हणून राजा जिग्मे यांना श्रेय दिले आणि मोदींच्या अमूल्य पाठिंब्याची कबुली दिली. “GMC ही दोन प्रबुद्ध नेत्यांची वारसा असेल, जी भूतान-भारत संबंध मजबूत करेल आणि जागतिक संधी निर्माण करेल,” असे त्यांनी नमूद केले. आपल्या भाषणाचा समारोप करताना, तोबगे यांनी भारतातील व्यावसायिक समुदायाला GMC मध्ये गुंतवणूक करण्याचे आवाहन केले.
