उत्तर गोलार्धातील अवकाशप्रेमींसाठी एक दुर्मिळ संधी चालून आली आहे. १२ सप्टेंबर रोजी एक धुमकेतू पृथ्वीच्या जवळून जाणार आहे. हा धुमकेतू नंतर थेट ४०० वर्षांनी दिसणार आहे. गॅलिलिओने दुर्बिणीचा शोध लावला होता, तेव्हा म्हणजे सुमारे ४३० वर्षांपूर्वी या धूमकेतूने या अवकाश परिसरात शेवटची भेट दिली होती.
नवीन शोधलेला धूमकेतू ४०० वर्षांनंतर प्रथमच आपल्या वैश्विक परिसरातून मार्गक्रमण करत आहे. त्याचा शोधकर्ता, हौशी जपानी खगोलशास्त्रज्ञ हिदेओ निशिमुरा यांच्या नावावरून त्याला धूमकेतू निशिमुरा असे नाव देण्यात आले आहे. एक किलोमीटर आकाराचे हे खगोलीय पिंड १२ सप्टेंबर रोजी सुरक्षितपणे पृथ्वीवरून जाईल. ते पृथ्वीपासून आठ कोटी किमी दूर अंतरावर आहे. त्यामुळे अवकाशप्रेमींनी ही दुर्मिळ संधी सोडू नये, असे आवाहन अंतराळ संशोधकांनी केले आहे.
तथापि, अस्पष्ट दृश्यमानता आणि आकाशातील त्याची स्थिती यामुळे धूमकेतू उघड्या डोळ्यांनी शोधणे आव्हानात्मक ठरू शकते. त्यामुळे लवकर उठणाऱ्यांनी पहाटेच्या दीड तास आधी ईशान्य क्षितिजाकडे पाहावे, विशेषत: सिंह राशीजवळील क्षितिजापेक्षा १० अंशांपेक्षा कमी अंतरावर पाहावे. धूमकेतू जसजसा सूर्याच्या जवळ जाईल, तसतसा तो प्रकाशमान होईल, परंतु आकाशातही खाली येईल.
हे ही वाचा:
जी- २० साठी आलेल्या परदेशी पाहुण्यांना ASK G.I.T.A. देणार प्रश्नांची उत्तरे
स्तूपांचे शहर सांची होणार भारतातील पहिले ‘सौर शहर’
शिवाजी महाराजांची ‘वाघनखे’ महाराष्ट्रात परतणार
शाहरूखच्या ‘जवान’ चित्रपटामुळे चाहत्यांमध्ये जल्लोष
नासाच्या सेंटर फॉर निअर-अर्थ ऑब्जेक्ट स्टडीजचे व्यवस्थापक पॉल चोडस यांनी याबाबत अधिक माहिती दिली. ‘धूमकेतू शोधण्यासाठी दुर्बिणीची चांगली जोडी आणि कोठे पाहायचे याचे ज्ञान आवश्यक आहे. धूमकेतू सूर्याच्या सर्वांत जवळ म्हणजे बुधापेक्षा जवळ येणे अपेक्षित आहे. हा धुमकेतू सूर्यमालेतून १७ सप्टेंबरच्या आसपास बाहेर पडेल,’ अशी माहिती चोडस यांनी दिली.
सूर्याजवळून गेल्यावर विघटन होण्याचा धोका आहे. मात्र तो त्याच्या प्रवासात टिकून राहील, असा विश्वासही त्यांनी व्यक्त केला. वर्च्युअल टेलिस्कोप प्रकल्पाचे संस्थापक इटालियन खगोलशास्त्रज्ञ जियानलुका मासी यांच्यानुसार, आगामी आठवड्यात उत्तर गोलार्धातून धूमकेतू पाहण्याची शेवटची संभाव्य शक्यता आहे. हा धुमकेतू म्हणजे एक लांब, अत्यंत संरचित शेपटी असे या धूमकेतूचे वर्णन त्यांनी केले आहे. जर धूमकेतू सूर्याच्या जवळून गेला तर तो शेवटपर्यंत दक्षिण गोलार्धात दिसला पाहिजे, असेही ते म्हणाले.