गतवर्षीच्या सुरुवातीला भारताबरोबर गलवान खोऱ्यातील लष्करी हल्ल्यासंदर्भात चिनी ब्लॉगर याने मत व्यक्त केल्याबद्दल या चिनी ब्लॉगरला आठ महिन्यांच्या तुरूंगवासाची शिक्षा सुनावण्यात आलेली आहे. एएनआय या वृत्तसंस्थेने दिलेल्या माहितीनुसार, या चिनी ब्लॉगरचे २५ लाखांहून अधिक फॉलोअर्स आहेत. इंटरनेट सेलिब्रिटी किउ झिमिंग यांना सोमवारी शहीदांना बदनाम केले हे कारण देऊन ८ महिन्यांची तुरूंगवासाची शिक्षा सुनावण्यात आली.
ऑनलाइन ” लॅबिक्सियाओकियू ” म्हणून ओळखल्या जाणार्‍या ब्लॉगरला दहा दिवसांच्या आत मुख्य घरगुती पोर्टल आणि राष्ट्रीय माध्यमांद्वारे जाहीरपणे माफी मागण्याचे आदेशही देण्यात आले होते. पूर्व चीनच्या जिआंग्सु प्रांतातील नानजिंग कोर्टाने हा आदेश दिला.
हे ही वाचा:
सीबीएसई १२वी परीक्षा रद्द करण्याचा पंतप्रधान मोदींनी घेतला निर्णय
स्वपन दास गुप्ता पुन्हा राज्यसभेवर
विनानिविदा डायरी छपाईमुळे वाया गेली ‘ऊर्जा’
बनावट फेविपिरावीर औषधाचा साठा एफडीएकडून जप्त
न्यायालयाने नमूद केले की कियूने ” आपला गुन्हा कबूल केला होता ”, तसेच हा गुन्हा कधीच करणार नाही, असे न्यायालयात सांगितले, त्यामुळे त्याला कठोर शिक्षा करण्यात आली नाही.
१ मार्च रोजी चीनच्या राष्ट्रीय वाहिनीवर कियूने आपल्या भाषणाबद्दल दिलगिरी व्यक्त केली होती, असे ग्लोबल टाईम्सने वृत्त दिले आहे. “मी केलेल्या कृत्याबद्दल खूपच लाज वाटली आणि मला वाईट वाटते,” असे या ३८ वर्षीय तरुणाने सांगितले होते. गलवान खोरे येथे झालेल्या चकमकीमध्ये चीनने काही सैनिक मृत्युमुखी पडल्याची कबुली दिल्यानंतर त्याने त्यावर प्रतिक्रिया दिली होती. साप्ताहिक इकॉनॉमिक ऑब्जर्व्हरचे माजी पत्रकार क्यूयू यांनी दोन पोस्ट प्रकाशित केल्या होत्या. एका पोस्टमध्ये म्हटले होते की, कमांडर त्या संघर्षातून वाचला कारण तो तेथील सर्वोच्च पदांवर अधिकारी होता. युद्धामधील संघर्षात अधिक चिनी सैनिक मारले गेले असावेत, असेही त्याने म्हटले होते. फेब्रुवारीमध्ये रशियन वृत्तसंस्था टीएएसएसने दावा केला होता की, या चकमकींमध्ये ४५ चिनी सैनिक ठार झाले