देशात मोदी सरकार अस्तित्वात नसून अदानी आणि अंबानी यांचे सरकार आहे. मोदी तर केवळ कठपुतळी आहेत अशी टीका काँग्रेस नेते राहुल गांधी यांनी २०२० मध्ये केली होती. हे एकदाच घडलेले नाही, यात बदनामी मोहीमेत सातत्य आहे. देशाच्या पंतप्रधानांचे नाव दोन बड्या उद्योगपतींसोबत जोडून त्यांना वारंवार बदनाम करण्याचा प्रयत्न करण्यात आला. पण मोदीविरोधकांचे दुर्दैव असे की त्यांनी निर्माण केलेलं मळभ दूर करण्याची गरज मोदींना कधीच भासत नाही. हे काम परस्पर कोणी तरी करून जाते. यावेळी ते काम शरद पवारांनी केले आहे.