उत्तर प्रदेशच्या संभल जिल्हा होळी आणि रमझानच्या पार्श्वभूमीवर केंद्रस्थानी असून तिथे या दोन्ही सणांच्या निमित्ताने कडक सुरक्षाउपाय करण्यात आले असून तेथील लोक उत्साहात होळी सण साजरे करत आहेत, अशी माहिती पोलिसांनी दिली आहे. जिल्ह्यात होळी आणि रमजानच्या जुम्माला लक्षात घेऊन कडक सुरक्षा व्यवस्था तैनात करण्यात आली आहे. सुरक्षा व्यवस्थेच्या पार्श्वभूमीवर नागरिक आनंदाने आणि उत्साहाने होळी साजरी करत आहेत.
संभलचे पोलिस अधिकारी सीओ अनुज चौधरी यांनी अर्धसैनिक दलांसोबत गल्लीबोळात गस्त घालून सुरक्षा व्यवस्थेचा आढावा घेतला. संवेदनशील भागांमध्ये अतिरिक्त पोलिस फोर्स तैनात करण्यात आला आहे. शाही जामा मशीदीच्या बाहेरही सुरक्षा व्यवस्था वाढवण्यात आली आहे.
संपूर्ण क्षेत्राची देखरेख ड्रोन कॅमेऱ्यांद्वारे केली जात आहे, जेणेकरून कोणत्याही अनुचित घटनेला आळा घालता येईल.
तीन मोठ्या ड्रोन कॅमेऱ्यांद्वारे शहरावर नजर ठेवली जात आहे, तसेच ठिकठिकाणी मोठ्या प्रमाणात सुरक्षा फोर्स तैनात करण्यात आली आहे.
स्थानिक प्रशासनाची प्रमुख जबाबदारी म्हणजे हा सण शांततेत आणि सौहार्दपूर्ण वातावरणात पार पडावा.
संभलमध्ये होळीचा आनंद आणि उत्साह पाहण्यासारखा आहे. रंगांची उधळण सुरू असून सर्वत्र जल्लोषाचे वातावरण आहे. एका स्थानिक नागरिकाने सांगितले, “ही योगी राजाची होळी आहे, हर-हर महादेवच्या नावाने साजरी केली जात आहे!” दुसऱ्या एका रहिवाशाने सांगितले, “संभलमध्ये मोठ्या उत्साहाने आणि आनंदाने होळी साजरी होत आहे.”
इतर एका नागरिकाने म्हटले, “२०१४ नंतर आता २०२५ मध्ये होळीचा सर्वात भव्य आणि दिव्य सोहळा पार पडत आहे. हिंदू वस्त्यांमध्ये मोठ्या जोशाने होळी खेळली जात आहे आणि भगवान श्रीरामाच्या जयघोषांनी संपूर्ण परिसर दुमदुमत आहे.”
हे ही वाचा:
पंजाब: शिवसेना जिल्हाध्यक्षाची गोळीबारात हत्या, एक अल्पवयीन मुलगाही जखमी!
१९ मार्चपूर्वी सुनीता विल्यम्स पृथ्वीवर परत येण्याची शक्यता नाहीच
विजापूरमध्ये १७ नक्षलवाद्यांचे आत्मसमर्पण, ९ जणांवर २४ लाख रुपयांचे बक्षीस!
नितेश राणेंच्या टपल्यांनी केलंय हैराण !
शाही जामा मशीद हिंसेनंतर प्रशासन विशेष सतर्क
२४ नोव्हेंबर २२०२४ रोजी शाही जामा मशीदीच्या सर्वेक्षणादरम्यान उसळलेल्या हिंसेनंतर प्रशासन विशेष सतर्कता बाळगत आहे. या घटनेनंतर ६८ धार्मिक स्थळे आणि १९ विहिरींची तपासणी सुरू आहे.
४६ वर्षांनंतर कार्तिकेय महादेव मंदिरात भव्य होळी उत्सव
शाही जामा मशीदीपासून २०० मीटर अंतरावर असलेल्या कार्तिकेय महादेव मंदिरात तब्बल ४६ वर्षांनी होळीचा भव्य सोहळा साजरा केला जात आहे. प्रशासनाच्या दक्षतेमुळे आणि सुरक्षेच्या उपाययोजनांमुळे यंदाचा होळी महोत्सव शांततेत पार पडण्याची अपेक्षा आहे.
