पोलीस अधीक्षक रोहित सजवान यांच्या म्हणण्यानुसार, अखलाक अहमद हा फरार आरोपींना आश्रय देत होता आणि त्यांना पळून जाण्यात मदत करत होता. पोलीस अधीक्षकांनी प्रसारमाध्यमांना सांगितले की, उमेश पाल हत्येप्रकरणी अखलाक अहमदला कट रचल्याबद्दल आरोपी करण्यात आले आहे.
उमेश पाल खून प्रकरणात अतिक अहमदचा मेहुणा अखलाक अहमद याला अटक करण्यात आली आहे. उत्तर प्रदेश स्पेशल टास्क फोर्स आणि प्रयागराज पोलिसांनी केलेल्या संयुक्त कारवाईत अखलाक याला अटक करण्यात आली आहे. बसपा आमदार राजू पाल यांच्या २००५ मध्ये झालेल्या हत्येचा मुख्य साक्षीदार उमेश पालच्या हत्येसाठी मारेकऱ्यांना आर्थिक मदत करण्यात अखलाक अहमदची महत्त्वाची भूमिका होती असे पोलिसांनी म्हटले आहे.
उमेश पाल यांची २४ फेब्रुवारी २०२३ रोजी उत्तर प्रदेशातील प्रयागराजमध्ये गोळ्या झाडून हत्या करण्यात आली होती. गुजरातमधील साबरमती तुरुंगात बंद असलेला अतिक अहमद हा २००५ मध्ये बसपा आमदार राजू पाल यांच्या हत्येतील मुख्य आरोपी आहे. एवढेच नाही तर आमदार राजू पाल हत्येचा एकमेव प्रत्यक्षदर्शी साक्षीदार उमेश पाल याच्या हत्येचा आरोपही आतिकवर आहे. याआधीही उमेश पाल हत्येप्रकरणी पोलिसांनी मेरठचा रहिवासी असलेल्या अखलाक अहमदची अनेकदा चौकशी केली आहे. आता त्याला मेरठमधून अटक करण्यात आली आहे.
पोलीस अधीक्षक रोहित सजवान यांच्या म्हणण्यानुसार, अखलाक अहमद हा फरार आरोपींना आश्रय देत होता आणि त्यांना पळून जाण्यात मदत करत होता. पोलीस अधीक्षकांनी प्रसारमाध्यमांना सांगितले की, उमेश पाल हत्येप्रकरणी अखलाक अहमदला कट रचल्याचा आरोपी बनवण्यात आला आहे.
प्रयागराज येथील खासदार-आमदार न्यायालयाने २००६ च्या उमेश पाल अपहरण प्रकरणात गुंडगिरीतून राजकारणी झालेला अतिक अहमद आणि इतर दोघांना दोषी ठरवले आहे आणि दोषींना जन्मठेपेची शिक्षा सुनावली आहे. अहमदचा भाऊ खालिद अझीम उर्फ अश्रफ आणि इतर सहा जणांची न्यायालयाने निर्दोष मुक्तता केली.
हे ही वाचा:
पुन्हा नंबर वन कोण तर नरेंद्र मोदी!
प्रा. सु. ग. शेवडे यांच्या धर्मपत्नी सुमंगला शेवडे कालवश
भरारी.. १५,९२० कोटी रुपयांची विक्रमी संरक्षण साहित्यांची निर्यात
कोर्टाने कोश्यारींची बाजू घेतली कुणी नाही दाखविली!
समाजवादी पक्षाचे माजी खासदार अतिक याच्यावर गेल्या काही वर्षांत १००पेक्षा जास्त गुन्हे दाखल असूनही त्यांना एकाही प्रकरणात दोषी ठरवण्यात आलेले नाही. उत्तर प्रदेशचे मुख्यमंत्री योगी आदित्यनाथ यांनी भूमाफिया आणि गुन्हेगारांविरुद्ध कठोर कारवाई केल्यानंतरच ते होते. साबरमती कारागृहातून यूपीला आणून खासदार आमदार न्यायालयात हजर केले. जिथे न्यायालयाने त्याला जन्मठेपेची शिक्षा सुनावली. सध्या त्यांची पुन्हा गुजरातमधील साबरमती कारागृहात रवानगी करण्यात आली आहे.