सोमालियाच्या लष्कराने सेंट्रल शबेले भागात केलेल्या हवाई हल्ल्यात अल-शबाब या दहशतवादी संघटनेच्या १०० दहशतवाद्यांना ठार केले. यामध्ये १२ कमांडर होते. २०१७ मध्ये स्थापन झालेल्या सोमालियातील सरकार उलथून टाकणे हा अल-शबाबचा उद्देश आहे. या संघटनेने गेल्या ४ महिन्यांत ३ मोठे हल्ले केले आहेत.
सोमालियाचे उप माहिती मंत्री अब्दिरहमान युसूफ अल-अदाला म्हणाले, आमचे सैन्य आणि गुप्तचर विभाग लोकांच्या सुरक्षेसाठी सर्व पावले उचलत आहेत. शबेले प्रदेशात लष्करी कारवाई सुरू करण्यात आली. यामध्ये अल-शबाबच्या १२ कमांडरसह १००दहशतवादी मारले गेले आहेत. हे दहशतवादी सरकारी अधिकारी आणि लष्करावर मोठा हल्ला करणार आहेत याची माहिती आम्हाला मिळाली होती . त्याची तयारी पूर्ण झाली होती. हा हल्ला रोखण्यासाठी आम्ही हवाई हल्ला केला.
हे ही वाचा :
पंतप्रधान ऋषी सुनक यांच्या मुलीचा कुचिपुडी डान्स व्हायरल
पंतप्रधान मोदींना धमकी देणाऱ्याला गुजरातमधून अटक
फडणवीस उद्धव ठाकरेंना म्हणाले, काहींना जनाची नाही आणि मनाचीही नाही …!
शिंदे गटातील आमदारांनो प्लिज नाराज व्हा ना!
त्याचवेळी हा हल्ला रोखण्यासाठी लष्कराने हवाई हल्ला केला. लष्कराने त्यांच्याकडून अनेक शस्त्रे जप्त केली आहेत. लक्षात घेण्यासारखे आहे की काही दिवसांपूर्वी अल-शबाबच्या या दहशतवाद्यांनी हयात हॉटेलमध्ये घुसून गोळीबार केला होता, ज्यामध्ये ८ लोक ठार झाले होते आणि ९ जखमी झाले होते. त्याच वेळी २०१९ मध्ये, अमेरिकन लष्कर आणि त्याच्या सहयोगी सैन्याने सोमालियामध्ये केलेल्या हवाई हल्ल्यात याच दहशतवादी संघटनेच्या अल-शबाबचे १० दहशतवादी मारले गेले.