महाराष्ट्रात बलात्काराच्या घटनांची मालिका थांबण्याचे चिन्ह नाही. पुणे, मुंबई, उल्हासनगर, अमरावतीनंतर आता जालन्यातही अशाच बलात्काराची संतापजनक घटना घडली आहे. विशेष म्हणजे या घटनांत अल्पवयीन मुली शिकार झाल्याचे दिसते आहे.
जालना जिल्हा देखील बलात्काराच्या घटनेने हादरला आहे. जालना जिल्ह्यातील बदनापूर तालुक्यात केवळ १२ वर्षांच्या मुलीवर शेजाऱ्यानेच पाशवी बलात्कार केल्याची घटना घडली आहे. या बलात्काऱ्याचे वय ६५ आहे. त्याला पोलिसांनी बेड्या ठोकल्या आहेत. पण या घटनेमुळे तालुक्यात एकच खळबळ उडाली आहे.
बदनापूर तालुक्यातील एका गावात मंगळवारी दुपारी पीडित मुलगी घरासमोर कोंबड्यांना दाणे टाकत होती. तिच्या घरात कुणीही नव्हते. याचा फायदा उठवत बाजूच्या शेतात राहणाऱ्या आरोपी अनवर खान याने मुलीला जबरदस्ती आपल्या घरात नेले आणि तिथे तिच्यावर बलात्कार केला. पीडित मुलीने आपल्या आईला ही हकीकत सांगितल्यानंतर मुलीच्या आईने बदनापूर पोलीस ठाण्यात सदर माणसाविरोधात तक्रार दाखल केली. या प्रकरणी पोलिसांनी आरोपी विरोधात गुन्हा दाखल केला. त्यानंतर त्याला रात्री उशिरा अटक करण्यात आली. पोलीस या प्रकरणाचा पुढील तपास करत आहेत.
हे ही वाचा:
दहशतवाद्यांना अटक हा गंभीर मुद्दा, यांना वेळीच संपवायला हवं
पंतप्रधान मोदींच्या वाढदिवसानिमित्त सेवा समर्पण पर्व
शेतकरी आंदोलनामुळे किती नुकसान झाले?
टेलिकॉम क्षेत्रात आता करता येणार १००% परकीय गुंतवणूक
अमरावतीत जिल्ह्यातील दर्यापूर तालुक्यातील येवदा पोलीस स्टेशन अंतर्गत एका अल्पवयीन मुलीशी नराधमाने बळजबरीने शारीरिक संबंध प्रस्तापित केल्याची धक्कादायक बाब समोर आली होती. बदनामीच्या भीतीपोटी तिने स्वतः ला गळफास लावून संपवलं. पिंपरीत निवृत्त सहाय्यक पोलीस आयुक्त असल्याचे सांगत एका नराधमाने शिक्षिकेवर बलात्कार केला.
पुण्यात आठ दिवसांपूर्वी एका १३ वर्षाच्या चिमुकलीवर १३ जणांनी सामूहिक बलात्कार केला होता.
