राष्ट्रीय तपास यंत्रणेला मोठ्या कारवाईत यश मिळाले आहे. पाच लाखांचे बक्षीस असलेल्या खलिस्तानी दहशतवाद्याला दिल्ली विमानतळावरून अटक करण्यात आली आहे. अटक करण्यात आलेला दहशतवादी अनेक दहशतवादी संघटनांशी संबंधित असून त्याच्याविरोधात इंटरपोलची रेड कॉर्नर नोटीस जारी करण्यात आली होती.
खलिस्तानी दहशतवादी कुलविंदरजीत सिंग उर्फ खानपुरिया याला भारतीय सुरक्षा यंत्रणांनी फरारी घोषित केले होते. ते पाकिस्तान प्रायोजित बब्बर खालसा इंटरनॅशनल आणि खलिस्तान लिबरेशन फ्रंटचे सदस्य आहेत. त्याच्या अटकेसाठी सुरक्षा यंत्रणांनी त्याच्या नावावर पाच लाखांचे बक्षीस जाहीर केले होते.
कुलविंदरजीत सिंगविरोधात भारतात लुक आउट नोटीस जारी करण्यात आली होती, याशिवाय इंटरपोलने रेड कॉर्नर नोटीसही जारी केली होती. एनआयएने त्याला दिल्ली विमानतळावरून अटक केली तेव्हा तो बँकॉकहून परतला होता. कुलविंदरजीत सिंग २०१९ पासून फरार होता. कुलविंदरचा अनेक दहशतवादी कारवायांमध्ये सहभाग आहे. पंजाबमधील टार्गेट किलिंगमध्येही त्याचा हात आहे.
हे ही वाचा :
श्रद्धा हत्या प्रकरण उघडकीस आल्यापासून आफताबचे कुटुंब गायब
‘पुन्हा सत्तेत येण्यासाठी पदयात्रा काढत आहेत’
हिजाबविरोधाच्या समर्थनार्थ इराण फुटबॉल संघाने टाळले राष्ट्रगीत
कतारमधील फुटबॉल वर्ल्डकपमध्ये वादग्रस्त झाकीर नाईक करणार इस्लामचा प्रचार
खलिस्तानी हॅप्पी संघेरा यांची इटलीमध्ये हत्या करण्यात आली होती. तर हरविंदर सिंग रिंडा लाहोरमध्ये मारला गेला. यानंतर कुलविंदरजीत सिंग खानपुरियाच्या रूपाने भारतातून तिसरी कारवाई करण्यात आली आहे. खानपुरिया यांना भारतीय सुरक्षा यंत्रणांनी बँकॉकमधून आणले असून त्यांना दिल्लीत अटक करण्यात आली आहे.
