परदेशातून हवाई मार्गाने गैर पद्धतीने पार्सलमधून तस्करी होण्याच्या घटना या अगोदर बऱ्याच वेळा घडल्या आहेत. मात्र अमली पदार्थांची तस्करी होण्याची घटना पुन्हा उघडकीस आली आहे. यामध्ये महसूल गुप्तचर संचालनालयाने (डीआरआय) ने ही कारवाई केली असून, या घटनेची खबर डीआरआयला अमेरिकेतून मिळाली होती. तसेच डीआरआय मुंबईने मंगळवारी रात्री की कारवाई केली असून यामध्ये साडे तीन किलो वजनाचा एक पार्सल जप्त करण्यात आला आहे.
संबंधित तस्करीची माहिती अमेरिकेतील एका कुरियर कंपनी कडून डीआरआयला मिळाली होती. एका खाद्यान्नाच्या खोक्यातून आमली पदार्थ मुंबई टपाल कार्यालयत लपविण्यात आला होता. हे आमली पदार्थाचे पार्सल मुंबईहून हैद्राबादला पाठवणार होते. त्या अगोदर हा माल दिल्ली येथे बदलण्यात जाणार होता. तसेच डीआरआय तपास पथकाने यावर कारवाई केली असता त्यामध्ये दोन आरोपीना अटक केली आहे.
हे ही वाचा:
कॅलिफोर्नियात अपहृत पंजाबी कुटुंबातील ४ जणांचे सापडले मृतदेह
चिथावणीखोर वक्तव्य करणारे जुबेर, प्रतिक सिन्हा नोबेलसाठी नामांकित
बंगालमध्ये दुर्गा विसर्जनात मोठी दुर्घटना,आठ मृत्यू
‘उद्धवराव, लोकांशी तुम्ही बेईमानी केली, २०१९ला तुम्ही गद्दारी केली’
पकडण्यात आलेल्या व्यक्ति पैकी एक जण हैद्राबाद येथील रहिवासी असून, तोच या घटनेचा म्होरक्या असल्याची माहिती मिळाली आहे. तसेच तस्करीची मागणी करण्यासाठी ‘डार्क वेब’ या यंत्रणेचा वापर करण्यात आला आहे. तस्करीचा आर्थिक व्यवहार हा क्रिप्टो करन्सीच्या माध्यमातून व्यवहार करण्यात आला होता. या साडे पाच किलो केकच्या तस्करीमध्ये एकूण २ कोटी ३६ लाख रुपयांचा गांजा आढळून आला आहे. अशी माहिती डीआरआयच्या तपासात समोर आली आहे