एस कुमार ज्वेलर्सचे मालक श्रीकुमार शंकरन पिल्लई याला फसवणूक केल्याप्रकरणी एलटी मार्ग पोलिसांनी अटक केली आहे. त्याच्या बीएमडब्ल्यू कारमधून २.९ कोटी रुपयांची रोकड जप्त करण्यात आले आहेत. पिल्लईने दोन वर्षांपूर्वी विकत घेतलेली सेकंड हँड बीएमडब्ल्यू कारही पोलिसांनी जप्त केली आहे. सुमारे १० घाऊक सोने आणि हिरे व्यापाऱ्यांनी गेल्या वर्षी डिसेंबर आणि या वर्षी जानेवारीमध्ये एलटी मार्ग पोलिसांशी संपर्क साधला होता, पिल्लई यांनी त्यांची ४.२२ कोटी रुपयांची फसवणूक केल्याचा आरोप केला होता.
अटकेच्या वेळी पिल्लईने त्याच्या कारच्या चाव्या लपविल्यानंतर पोलिसांना संशय आला. कार इमारतीच्या आवारात उभी हाेती. कारचा दरवाजा उघडल्यावर आतमध्ये दडवलेल्या पिशव्या आढळल्या. सर्व बॅगमध्ये रोख रक्कम होती, असे तपास अधिकाऱ्याने सांगितलं आहे.
चौकशीदरम्यान पिल्लईने हे त्याचे पैसे आहेत जे त्याने पाच ते सहा महिन्यांपेक्षा जास्त काळ कारमध्ये ठेवले होते असा दावा केल्याचं अधिकाऱ्याने सांगितलं. पिल्लई यांना महानगर दंडाधिकारी न्यायालयात हजर केले असता त्यांनी शुक्रवारी पोलीस कोठडी सुनावली. “जप्त करण्यात आलेल्या रोख रकमेबाबत स्पष्टतेसाठी त्याची अधिक चौकशी केली जाईल,” असे अधिकाऱ्यानं सांगितलं.
हे ही वाचा:
मुंबई पोलिस ट्रॅफिक कंट्रोल रूमला ‘हा’ धमकीचा मेसेज, यंत्रणा अलर्टवर
१४ तास तपास; सिसोदियांना अटक होणार?
कंबोज यांच्यानंतर आता निंबाळकरांचा ईडीस्फोट
निर्बंधमुक्त दहीहंडीमुळे गोविंदा घेतायत मोकळा श्वास
पिल्लई विरुद्ध पहिली तक्रार काळबादेवी येथील ईएमके ज्वेलर्सचे मालक ५९ वर्षीय कांतीलाल केशरीमल जैन यांनी केली होती. जैन यांच्या विधानाच्या आधारे, एलटी मार्ग पोलिसांनी पिल्लई, त्यांच्या दोन कंपन्या – एस कुमार ज्वेलर्स आणि एस कुमार गोल्ड अँड डायमंड , त्यांची मुलगी आणि दोन व्यवस्थापकांविरुद्ध १२ ऑगस्ट रोजी गुन्हेगारी विश्वासभंग आणि फसवणूक केल्याबद्दल एफआयआर नोंदवला. पोलिसांना दिलेल्या जबानीत जैन यांनी २००८ मध्ये व्यवसायाला सुरुवात केल्याचे सांगितले. सोन्याच्या बांगड्या बनवून ते दागिने शहरात व बाहेर घाऊक दराने विकायचे.
काॅल डेटा रेकाॅर्डने काढला माग
पिल्लईचा त्याच्या कॉल डेटा रेकॉर्ड आणि मोबाइल लोकेशनच्या आधारे डोंबिवलीतील मानपाडा परिसरात, जिथे तो भाड्याच्या अपार्टमेंटमध्ये राहत होता, त्याचा माग काढण्यात आला. “पोलिसांच्या पथकाने, ज्याने परिसराला भेट दिली आणि त्याला अटक केली, त्यांना बीएमडब्ल्यू कारमध्ये लपवून ठेवलेले २.९ कोटी रुपये सापडले. आम्ही गाडीही जप्त केली आहे,” असे अतिरिक्त पोलिस आयुक्त दिलीप सावंत यांनी सांगितले.
