छत्तीसगढच्या दंतेवाडा जिल्ह्यात माओवाद्यांनी बुधवारी केलेल्या भूसुरुंग स्फोटात दहा जवान शहीद झाले तर वाहन चालकाचाही मृत्यू झाला होता.पोलिसांनी शुक्रवारी सांगितले की, दोन महिन्यांपूर्वी रस्त्याच्या खाली आयईडी पेरण्यात आला होता आणि तो शोधण्यात आलेल्या माइनिंग सरावात आढळला नाही. २०० जवानांना एका ऑपरेशनमधून परत घेऊन जाणाऱ्या ताफ्याला २६ एप्रिल रोजी अरणपूर-दंतेवाडा रोडवर अरणपूरजवळ धडक दिली.
हा दोन वर्षांतील सर्वात मोठा माओवादी हल्ला आहे.मात्र माइनिंग तपासात आयईडी का सापडला नाही आणि एसओपीचे पालन केले गेले आहे की नाही यावर अनेक प्रश्न निर्माण झाले.या घटनेची माहिती देत बस्तरचे पोलिस महानिरीक्षक पी सुंदरराज यांनी शुक्रवारी सांगितले की, आयईडीचे वजन ४०-५० किलोग्रॅम आहे, परंतु ते खूप खोलवर पेरण्यात आले असल्याने ते शोधता आले नाही. हे स्फोटक यंत्र इतके शक्तिशाली होते की, त्याने रस्त्याच्या रुंदीएवढे खोल खड्डे पडले आणि जवानांना घेऊन जाणाऱ्या वाहनाचा स्फोट झाला.
हे ही वाचा:
…तर बृजभूषण सिंह राजीनामा देण्यास तयार
युक्रेनच्या अनेक शहरांवरील क्षेपणास्त्र हल्ल्यांत २५ जणांचा मृत्यू
महाराष्ट्रातील १९ नागरिक सुदानमधून सुखरूप परतले
महाराष्ट्रातील १९ नागरिक सुदानमधून सुखरूप परतले
बॉम्ब कसा सापडला नाही याचा तपास पोलीस करत आहेत, असे आयजी म्हणाले.आयजीने प्राथमिक तपशील देताना सांगितले, “स्थानाची पाहणी केल्यावर, असे दिसून आले की, आयईडी दोन महिन्यांपूर्वी लावली गेली होती कारण वायरच्या आजूबाजूच्या मातीवर गवत उगवले होते, जे आयईडीपासून पसरले होते आणि ट्रिगरशी जोडलेले होते. “प्राथमिकदृष्ट्या, असे दिसते की माओवाद्यांनी बोगदा (रस्त्याखाली) करून आयईडी पेरली. घनदाट जंगलात आश्रय घेऊन त्यांनी जमिनीत सुमारे २-३ इंच खोल वायर गाडली आणि ती १५० मीटरपर्यंत वाढवली.
अशा प्रकारचा बोगदा आहे. याला ‘फॉक्सहोल मेकॅनिझम’ म्हणतात, जी डी-मायनिंग प्रक्रियेत सापडत नाही,” सुंदरराज म्हणाले की, तपास जसजसा पुढे जाईल तसतशी अधिक माहिती समोर येईल. पोलिसांनी या हल्ल्यामागे काही माओवाद्यांची ओळख पटवली आहे. दरभा विभाग समितीचे कार्यकर्ते जगदीश, लक्खे, लिंगे, सोमडू, महेश यांच्याविरुद्ध UAPA आणि शस्त्रास्त्र कायद्यांतर्गत गुन्हा दाखल करण्यात आला आहे.घटनांचा क्रम सांगताना, महानिरीक्षक म्हणाले की, दंतेवाडा येथील डीआरजी तुकड्या आणि छत्तीसगड सशस्त्र दलाच्या जवानांनी २५ एप्रिलच्या मध्यरात्री नक्षलवादविरोधी अभियान सुरू केले.
दुसर्‍या दिवशी सकाळी ६:३० च्या सुमारास, माओवाद्यांशी चकमक झाली, त्यानंतर जवानांनी दोन संशयित माओवाद्यांना पकडले, ज्यांची ओळख मिलिशिया सदस्य सन्ना उर्फ कोसा माडवी आणि लखमा कावासी म्हणून केली गेली. डीआरजी जवानांनी या दोघांना तीन वाहनांतून दंतेवाडा येथे आणले असता माओवाद्यांनी आयईडी स्फोट घडवून आणला, असे आयजीने सांगितले.
शहीद डीआरजी जवानांच्या नातेवाईकांना आणि नागरिक ड्रायव्हरला सरकारच्या धोरणांनुसार अनुकंपा नियुक्ती आणि आर्थिक मदत दिली जाईल, असे अधिकाऱ्यांनी सांगितले आहे.या घटनेचा पुढील तपास सुरु आहे असे पोलीस म्हणाले.