कोलकाता आरजी कार हॉस्पिटलमधील भ्रष्टाचार प्रकरणी अंमलबजावणी संचालनालयाने म्हणजेच ईडीने शुक्रवारी कोलकातामधील अनेक ठिकाणी छापे टाकले. माजी प्राचार्य संदीप घोष आणि त्यांच्याशी संबंधित वेगवेगळ्या ठिकाणांवर ईडीने छापे टाकल्याची माहिती एएनआयने दिली आहे. ईडीने पश्चिम बंगालमधील हावडा, सोनारपूर आणि हुगळी येथे अनेक ठिकाणी शोध मोहीम राबवली आहे.
केंद्रीय तपास संस्थेने हुगळीत ज्या ठिकाणी छापे टाकले होते त्यामध्ये आरजी कार मेडिकल सेंटर आणि हॉस्पिटलचे माजी प्राचार्य डॉ संदीप घोष यांच्या नातेवाईकाच्या जागेचा समावेश आहे. छापे आर्थिक अनियमिततेच्या सुरू असलेल्या तपासाचा एक भाग आहेत, ज्यामध्ये ईडीने मनी लाँडरिंग प्रतिबंधक कायदा (पीएमएलए) अंतर्गत गुन्हा नोंदवला आहे. डॉ. संदीप घोष हे सध्या केंद्रीय अन्वेषण विभागाच्या (सीबीआय) कोठडीत आहेत. त्यांच्या निवासस्थानाव्यतिरिक्त, ईडीच्या अधिकाऱ्यांनी तपासाचा भाग म्हणून कोलकातामधील इतर अनेक ठिकाणीही शोध घेतला. ईडीची टीम सोनारपूर, हावडा आणि हुगळीत पोहोचली आहे. ईडी चौकशीसाठी संदीप घोषच्या जवळच्या आणि नातेवाईकांकडेही पोहोचल्याचे सांगण्यात येत आहे. संदीप घोष यांच्या घराचीही झडती घेण्यात आली.
#WATCH | Kolkata, West Bengal: Enforcement Directorate raid underway at the residence of former principal of Kolkata's RG Kar Medical College Sandip Ghosh; latest visuals from his residence. pic.twitter.com/JSKSRNXzHS
— ANI (@ANI) September 6, 2024
हे ही वाचा :
क्रिकेटपटू रवींद्र जडेजाचा भाजपमध्ये प्रवेश !
३०० फूट खोल दरीत कोसळून लष्कराच्या वाहनाला सिक्कीममध्ये अपघात; चार जवान हुतात्मा
कर्नाटकचा अजब शिक्षक दिन! हिजाब बंदी करणाऱ्या शिक्षकाचा पुरस्कार घेतला मागे!
युक्रेनसोबतच्या शांतता चर्चेत भारतासह चीन, ब्राझील मध्यस्थाची भूमिका बजावू शकतात
कोलकात्याच्या इंडियन मेडिकल असोसिएशनने (आयएमए) भ्रष्टाचार प्रकरणी सीबीआयच्या तपासादरम्यान माजी संदीप घोष यांचे सदस्यत्वही निलंबित केले. यापूर्वी २६ ऑगस्ट रोजी सीबीआयने संस्थेतील महिला डॉक्टरच्या बलात्कार-हत्येच्या तपासाचा भाग म्हणून डॉ. घोष यांच्यावर पॉलीग्राफ चाचणीची दुसरी फेरी पूर्ण केली होती. उच्च न्यायालयाने सीबीआयला तपासाचा अहवाल सादर करण्यासाठी तीन आठवड्यांचा कालावधी दिला असून तो १७ सप्टेंबर रोजी सादर होणार आहे.
