मुंबईतील न्हावा शेवा बंदरातून २० टन पेक्षा जास्त अधिक हेरॉईन जप्त करण्यात आले आहे. दिल्ली पोलिसांनी ड्रग हेरॉईनची आतापर्यंतची सर्वात मोठी खेप जप्त केली आहे. जप्त केलेल्या हेरॉईनची किंमत सुमारे १८०० कोटी आहे. दिल्ली पोलिसांचा स्पेशल सेल लवकरच या प्रकरणाचा संपूर्ण खुलासा करणार आहे.
मोठ्या प्रमाणात हेरॉईन मिळण्याच्या या प्रकरणाचे तार नार्को टेररशी संबंधित असल्याचे बोलले जात आहे. काही दिवसांपूर्वी स्पेशल सेलने दोन अफगाण लोकांना अटक करून नार्को टेररचा पर्दाफाश केला होता. तेव्हा स्पेशल सेलने १२०० कोटींचे ड्रग्ज पकडले होते. चौकशीत अफगाण नागरिकांनी मुंबई बंदरातील कंटेनरमध्येही अमली पदार्थ असल्याचे उघड केले होते.
. या ड्रग्जचा पैसा पाकिस्तानातील गुप्तचर संस्था आयएसआयकडे जाणार होता. त्यामुळे हा नार्को टेररचा गुन्हा मानून पोलिसांनी दोन्ही आरोपींवर यूएपीए अंतर्गत कारवाई केली आहे. त्याच आरोपीच्या सांगण्यावरून ड्रग्जने भरलेला कंटेनर जप्त करण्यात आला आहे
मुंबईच्या न्हावा शेवा बंदरातून ज्या कंटेनरमधून सुमारे १८०० कोटी रुपयांचे हेरॉईन जप्त करण्यात आले आहे, तो कंटेनर वर्षभराहून अधिक काळ तेथे ठेवण्यात आला होता. नुकत्याच पकडलेल्या दोन अफगाण नागरिकांच्या सांगण्यावरून ही वसुली झाली. पोलिसांनी दिलेल्या माहितीनुसार, या सिंडिकेटमधून आतापर्यंत ३००० कोटी रुपयांचे ड्रग्ज जप्त करण्यात आले आहेत. हे प्रकरण नार्को टेररशी संबंधित आहे कारण ड्रग्सचा पैसा पाकिस्तानात जात आहे.
हे ही वाचा:
पत्राचाळ प्रकरणातून मिळालेल्या पैशात संजय राऊत परदेश दौऱ्यावर गेले
“मास्क न वापरलेल्यांकडून कायद्याच्या कोणत्या तरतुदीनुसार दंड वसूल करण्यात आला?”
बायबलच्या ओळी वाचून पंतप्रधान ट्रस यांनी दिला एलिझाबेथना निरोप
अमरिंदर यांच्यासह त्यांचा पक्षही भाजपात विलिन
दिल्ली पोलिसांनी हा कंटेनर मुंबईतील न्हावा शेवा बंदरातून दिल्लीत आणला आहे. या कंटेनरमध्ये २० हजार टन हेरॉईन आहे. हेरॉईनचे वजन ३२५ किलोपेक्षा जास्त असून आंतरराष्ट्रीय बाजारात त्याची किंमत १८०० कोटींच्या जवळपास आहे. अफगाणिस्तानातून ड्रग्जची खेप दुबईमार्गे बुक करून मुंबईत पोहोचली. गेल्या वर्षी २१ जूनपासून हा कंटेनर मुंबईत ठेवण्यात आला होता.