झारखंडमध्ये खाणकाम करत असताना मोठी दुर्घटना घडल्याचे वृत्त समोर आले आहे. झारखंडमधील धनबादमध्ये कोळसा खाणीमध्ये ही दुर्घटना मंगळवारी १ फेब्रुवारी रोजी घडली. या घटनेत सुमारे १३ लोकांचा मृत्यू झाला असून आणखी काही व्यक्ती ढिगाऱ्याखाली दबले गेल्याची शक्यता वर्तवण्यात येत आहे. दरम्यान, घटनास्थळी मदत आणि बचावकार्य युद्धपातळीवर सुरू करण्यात आले आहे.
या दुर्घटनेवेळी महिला, पुरुष आणि लहान मुलांसह अनेकजण या ठिकाणी उपस्थित होते. त्यावेळी अचानक २० फूट उंचीवरून खाणीचा काही भाग कोसळला. हा भाग कोसळताच त्याच्या ढिगाऱ्याखाली लोक दबले गेले. यात १३ जणांचा दुर्दैवी मृत्यू झाला तर आणखी काही जण ढिगाऱ्याखाली अडकले असण्याची शक्यता वर्तवण्यात येत आहे. या घटनेची माहिती मिळताच धनबादच्या निरसा पोलिसांनी घटनास्थळी धाव घेत मदतकार्याला सुरुवात केली. त्यानंतर कोळशाने गाडलेल्या लोकांना बाहेर काढण्यासाठी जेसीबी मशीनने खोदकाम करण्यात आले. जखमी लोकांना रुग्णालयात उपचारांसाठी दाखल करण्यात आले आहे.
हे ही वाचा:
Budget 2022 : काय स्वस्त काय महाग?
Budget 2022: विद्यार्थ्यांच्या शिक्षणासाठी २०० चॅनेल्सची घोषणा
Budget 2022 : काय स्वस्त काय महाग?
Budget 2022: विद्यार्थ्यांच्या शिक्षणासाठी २०० चॅनेल्सची घोषणा
झारखंडच्या धनबाद जिल्ह्यातील अनेक भागांमध्ये बेकायदेशीर कोळसा उत्खनन व्यवसाय सुरू आहे. या भागातून बेकायदेशीर कोळसा उत्खनन करून बंगाल आणि इतर राज्यांमध्ये पाठवला जातो. पोलिसांच्या संगनमताने गेल्या अनेक वर्षांपासून हा अवैध धंदा सुरू यामुळे शासनाचा कोट्यवधींचा महसूल बुडत आहे.