आजच्या काळांत बहुतेक घरातील महिला आर्थिक बाबतीत बऱ्यापैकी साक्षर आणि सक्षम झाली आहे. कोरोना काळात बऱ्याच प्रमाणात महिला घरचा खर्च चालविण्यासाठी स्वतः सक्षम झाल्या आहेत. आता महिला कुठल्याच बाबतीत ,कुठल्याच क्षेत्रात मागे नाहीत. आता तर आपल्या महाराष्ट्र राज्यांत लालपरीचे स्टेअरिंग सुद्धा महिलांच्या हाती आले आहे. अर्थमंत्री स्वतः एक स्त्री असल्यामुळे त्यांनी या अर्थसंकल्पात महिलांचा विचार केलेला दिसत आहे विशेतः ग्रामीण भागातील महिला ज्या कृषी, पर्यटन,घरगुती उद्योग बचत गटाच्या माध्यमातून करतात त्यांच्यासाठी विशेष पॅकेज जाहीर केल्याचे दिसते. आजच्या अर्थसंकल्पात महिलांसाठी अनेक महत्वपूर्ण घोषणा करण्यात आल्या आहेत. जाणून घेऊया महिलांसाठी कोणत्या आहेत या विशेष घोषणा.
महिला सक्षमीकरणासाठी सरकारने नवीन योजना आखली आहे.’महिला सन्मान बचत प्रमाणपत्र’चा प्रस्ताव सुरू होणार आहे. यामध्ये महिलांना दोन लाख रुपयांच्या बचतीवर ७.५ टक्के व्याज मिळणार आहे. हि ठेव महिला किंवा मुलीच्या नावावर केली जाऊ शकते. यामध्ये जास्तीत जास्त ठेव रक्कम दोन लाख रु. ठेवण्यात आली आहे आणि योजनेमध्ये अंशतः पैसे काढण्याची सुविधा देखील उपलब्ध असेल. दीनदयाळ अंत्योदय योजनेअंतर्गत ग्रामीण महिलांना अभियानांतर्गतआर्थिक सक्षमीकरणासाठी एकत्रित करून ८१ लाख बचत गटांशी जोडण्यात आले आहे .
बचत गटांना आर्थिक सक्षमीकरणाच्या पुढील टप्प्यावर नेण्यासाठी मोठे उत्पादक उद्योग निर्माण केले जाणार आहेत.
उज्ज्वला योजनेंतर्गत ९.६ कोटी एलपीजी कनेक्शन देण्यात आले आहेत . सूक्ष्म, लघु एवं मध्यम उद्योग क्षेत्रासाठी क्रेडिट गॅरंटी स्कीमचे पुन्हा नूतनीकरण करण्यात येणार आहे. अर्थमंत्री निर्मला सीतारामन यांच्या अर्थसंकल्पीय भाषणातील महिलांसाठी सर्वात महत्त्वाची घोषणा म्हणजे दोन वर्षांसाठी ७.५ टक्के व्याजदरासह ‘महिला सन्मान बचत प्रमाणपत्र’चा प्रस्ताव आहे .
भारतीय पंतप्रधान नरेंद्र मोदी यांनी पुढील वर्षी होणाऱ्या राष्ट्रीय निवडणुकांमध्ये त्यांचा पाठिंबा सुनिश्चित करण्यासाठी लाखो मध्यमवर्गीय मतदार आणि महिलांना कर सवलत आणि बचत योजना यासारख्या प्रोत्साहनांसह आकर्षित केले. आहे
सर्वात मोठे वाटप २०,५५४. ३१ कोटींचे सक्षम अंगणवाडी आणि अंगणवाडी सेवा, पोषण अभियान, किशोरवयीन मुलींसाठी योजना करण्यात आली आहे . मिशन वात्सल्य बाल संरक्षण सेवा आणि बालकल्याण सेवा) साठी १,४७२ कोटी वाटप करण्यात आले आहेत आणि मिशन शक्ती अर्थात महिलांचे संरक्षण आणि सक्षमीकरण मिशन साठी २०२३-२४ मध्ये ३,१४३ कोटी वाटप करण्यात आले आहे.
हे ही वाचा:
दिलासा..चारधाम यात्रेसाठी जोशीमठ सुरक्षित
अनिल परब यांचे कार्यालय तोडले, किरीट सोमय्या भेट देणार
पंतप्रधान मोदी म्हणाले, भारताच्या अर्थसंकल्पाकडे साऱ्या जगाचे लक्ष
सीतारामन यांनी अशा धोरणांचे अनावरण केले जे महिला उद्योजकांना, विशेषत: ग्रामीण भागातील, कच्चा माल खरेदी करण्यास आणि त्यांच्या उत्पादनांचे चांगले ब्रँडिंग करण्यास मदत करतील. तरुण महिला आणि मुलींसाठी बचत योजनांसाठी निश्चित व्याजदर लागू करण्याचीही योजना आहे. मोदी सरकार महिला उद्योजकता, पर्यटनासाठी आणि ब्रँडिंगला विशेष प्रोत्साहन देण्यात येणार आहे.
त्यांनी कारागीर व्यवसायांचा संदर्भ दिला जेथे त्यांनी सांगितले की सरकार आर्थिक सहाय्य, कौशल्य प्रशिक्षण, आधुनिक हरित तंत्रज्ञान, ब्रँड यांसारख्या घटकांद्वारे सामान्य कारागिरांना प्रोत्साहन देईल. स्थानिक आणि जागतिक बाजारपेठेसह प्रचार आणि संबंध. वर नमूद केलेल्या कृतींद्वारे, अनुसूचित जाती अनुसूचित जमाती इतर मागास जाती ,महिला आणि आर्थिकदृष्ट्या दुर्बल घटकातील लोकांना मदत करण्याचे सरकारचे उद्दिष्ट आहे, असा दावा मंत्र्यांनी केला.