बाबा रामदेव यांच्या पतंजली आयुर्वेदने आता बँकिंग व्यवसायातही पाऊल टाकले आहे. पतंजलीने देशातील सर्वात मोठी सरकारी बँक पंजाब नॅशनल बँकेच्या सहकार्याने को-ब्रँडेड क्रेडिट कार्ड लॉन्च केले आहे. हे को-ब्रँडेड क्रेडिट कार्ड नॅशनल पेमेंट कॉर्पोरेशन ऑफ इंडियाच्या प्लॅटफॉर्मवर लॉन्च करण्यात आले आहे.
या क्रेडिट कार्डद्वारे पतंजली आणि पंजाब नॅशनल बँक संयुक्तपणे ग्राहकांना तीन प्रकारचे फायदे देणार आहेत. या क्रेडिट कार्डने उत्पादनांच्या खरेदीवर ५ ते १० टक्के सूट दिली जाणार आहे. त्याचबरोबर या कार्डवर पाच लाखांपर्यंतचे अपघाती विमा संरक्षण आणि इतर सुविधाही दिल्या जाणार आहेत.
यावेळी पतंजली आयुर्वेद लिमिटेडचे व्यवस्थापकीय संचालक आचार्य बाळकृष्ण म्हणाले की, आमचा हा उपक्रम पंतप्रधान नरेंद्र मोदी यांच्या ‘आत्मनिर्भर भारत’च्या स्वप्नाशी सुसंगत आहे. हे क्रेडिट कार्ड कमी उत्पन्न असलेल्या लोकांना मोठ्या प्रमाणात मदत करणार आहे.
या क्रेडिट कार्डचे फायदे
या क्रेडिट कार्डसह कमाल दहा लाख रुपयांची मर्यादा उपलब्ध असणार आहे. तर क्रेडिट कार्ड वापरल्यानंतर पेमेंट करण्यासाठी ४९ दिवसांचा अवधी दिला जाईल. त्याच वेळी, या क्रेडिट कार्डवर पाच लाखांपर्यंतचे अपघाती विमा संरक्षण सर्व ग्राहकांना दिले जाईल. पतंजलीच्या आउटलेटवरून क्रेडिट कार्डद्वारे खरेदी केल्यास ५ ते १० टक्के सूट मिळणार आहे. या कार्डच्या माध्यमातून केवळ पतंजलीच नाही तर इतर ब्रँडवरही सूट मिळणार आहे.
हे ही वाचा:
‘मविआ सरकार राज्याच्या इतिहासातील सर्वात भ्रष्टाचारी सरकार’
ॲपलने रशियामध्ये उत्पादनांची विक्री थांबविली, इतर सेवाही केल्या मर्यादित
खोट्या बातमीचा आधार घेत नाना पटोलेंची भाजपावर टीका
‘नवाब मलिक कॅबिनेट मंत्री असतील तर अर्थसंकल्पीय अधिवेशन होऊ देणार नाही’
पतंजली पीएनबी क्रेडिट कार्डचे दोन प्रकार लॉन्च केले गेले आहेत. पहिला प्रकार PNB RuPay Platinum आहे आणि दुसरा प्रकार PNB RuPay Select आहे. PNB RuPay Platinum कार्डसाठी कोणतेही सामील होण्याचे शुल्क नाही, तर वार्षिक शुल्क फक्त पाचशे रुपये असेल. PNB Rupay Select वर जॉइनिंग फी रु.५०० असणार आहे, तर वार्षिक फी रु.७५० असणार आहे.
