महाराष्ट्राला हे भूषण नाही!

महाराष्ट्र भूषण सोहळ्याच्या निमित्ताने २०-२२ लाख लोक जमले होते. प्रचंड उष्म्यामुळे त्यातील १३ जणांना प्राण गमवावे लागले. सरकारने सगळी तजवीज केली असली तरी काहीतरी उणीव राहून गेली आहे, दुर्लक्ष झाले आहे हे मान्य करावे लागेल. आनंदाचा सोहळा पाहण्यासाठी आलेल्यांवर असा दुःखाचा डोंगर कोसळला. अशा घटना टाळण्यासाठी काही गोष्टींची काळजी घेणे गरजेचे बनले आहे.