राष्ट्रवादी काँग्रेस पक्षाचे सर्वेसर्वा शरद पवार हे देशातील फोडाफोडी आणि खंजीर संस्कृतीचे रोल मॉडेल आहेत असा टोला भारतीय जनता पार्टीचे नेते आमदार अतुल भातखळकर यांनी लागावला आहे. भातखळकर यांनी ट्विटरच्या माध्यमातून शरद पवार यांच्यावर टीकास्त्र डागले आहे.
काही दिवसांपूर्वी सांगलीमध्ये नवे राजकीय नाट्य रंगले. या नाट्याचा क्लायमॅक्स म्हणजे सांगली महापालिकेत झालेले सत्तांतर. या सत्तांतरात भारतीय जनता पार्टीला धक्का देत विरोधकांनी आपली सत्ता स्थापन केली. यात प्रमुख भूमिका बजावणाऱ्या नगरसेवकांची राष्ट्रवादीचे नेते खासदार शरद पवार यांनी भेट घेतली. सांगलीतील सत्तांतराचे सारे तपशील पवार यांनी माहिती करून घेतले. या वेळी प्रतिक्रिया देताना पवारांनी भाजपावर खोचक टीका केली. भाजपाने काही राज्यांत जनमताचा अनादर करत सत्ता हस्तगत केली. सांगलीतून त्याला प्रत्युत्तर देण्याची सुरुवात झाली आहे. ही घटना चांगली आहे असे पवार म्हणाले.
हे ही वाचा:
पवारांच्या याच टिकेवरून भाजपा नेते आमदार अतुल भातखळकर चांगलेच आक्रमक झाले आहेत. त्यांनी ट्विटरच्या माध्यमातून पवारांना जोरदार प्रत्युत्तर दिले आहे. भारतातल्या फोडाफोडी आणि खंजीर संस्कृतीचे रोल मॉडेल शरद पवारच आहेत, फक्त त्यांना खंजीर खुपसून नंतर लोटांगण घालण्याची कलाही अवगत आहे असा टोला भातखळकर यांनी लगावला आहे.
देशात फोडाफोडी आणि खंजीर संस्कृतीचे कोणी रोल मॉडेल असेल तर ते फक्त नी फक्त जाणते शरद पवारच आहेत, परंतु त्यांना खंजीर खुपसल्यानंतर लोटांगण घालण्याची कलाही अवगत आहे. @PawarSpeaks@NCPspeaks @supriya_sulehttps://t.co/7urzQfWkH4
— Atul Bhatkhalkar (@BhatkhalkarA) February 28, 2021
