देशातील प्रमुख विरोधी पक्ष म्हणून भूमिका बजावणे अपेक्षित असलेला कॉंग्रेस पक्ष सध्या अंतर्गत अडचणींना तोंड देत आहे. राष्ट्रीय अध्यक्षांची निवड हा कळीचा मुद्दा झाला असून या पार्श्वभूमीवर राहुल गांधी यांनीच पुन्हा राष्ट्रीय अध्यक्ष पद स्वीकारावे असा ठराव दिल्ली प्रदेश कॉंग्रेसने पारित केला आहे.
रविवार दिनांक ३१ जानेवारी रोजी दुपारी ४ च्या सुमारास दिल्ली प्रदेश कॉंग्रेसची बैठक पार पडली. दिल्ली प्रदेश कॉंग्रेसचे कार्यालय असलेल्या राजीव भवनात या बैठकीचे आयोजन करण्यात आले होते. दिल्ली प्रदेश कॉंग्रेसचे प्रभारी शक्तीसिंह गोहिल आणि दिल्ली प्रदेश कॉंग्रेस अध्यक्ष अनिल चौधरी यांनी या बैठकीचे नेतृत्व केले. या बैठकीला कॉंग्रेसचे विविध नेते, माजी मंत्री उपस्थित होते.
दिल्ली प्रदेश कांग्रेस कार्यालय राजीव भवन में प्रभारी श्री @shaktisinhgohil जी व प्रदेश अध्यक्ष श्री @Ch_AnilKumarINC के नेतृत्व में प्रदेश कार्यकारिणी की बैठक शुरू pic.twitter.com/KLSwxxAodF
— Delhi Congress (@INCDelhi) January 31, 2021
या बैठकीत राहुल गांधी यांनीच पुन्हा कॉंग्रेसच्या राष्ट्रीय अध्यक्ष पदाची जबाबदारी स्विकारावी असा ठराव मांडण्यात आला. हा प्रस्ताव सर्वसंमतीने पारित झाला.
दिल्ली प्रदेश कार्यकारिणी बैठक में दिल्ली प्रदेश अध्यक्ष श्री @Ch_AnilKumarINC द्वारा
श्री @RahulGandhi जी को @incindia का राष्ट्रीय अध्यक्ष बनाने का प्रस्ताव रखा जिसे
सर्वसम्मति से प्रस्ताव पास किया गया। pic.twitter.com/prlEE2E8Z2— Delhi Congress (@INCDelhi) January 31, 2021
कोविड-१९ महामारीत मृत्युमुखी पडलेल्या नेत्यांनी श्रद्धांजली वाहून या बैठकीला प्रारंभ झाला. या बैठकीत राष्ट्रीय अध्यक्षांच्या निवडीसोबतच शेतकरी आंदोलनावरही चर्चा करण्यात आली.
त्याबरोबरच या बैठकीत दिल्लीचे मुख्यमंत्री अरविंद केजरीवाल यांच्या राजीनाम्याचीही मागणी करण्यात आली.
कार्यकारिणी बैठक में निंदा प्रस्ताव को पास करते हुए दिल्ली के मुख्यमंत्री अरविंद केजरीवाल के इस्तीफे की मांग की गई pic.twitter.com/32JTHC32a1
— Delhi Congress (@INCDelhi) January 31, 2021
