रशियाचे राष्ट्राध्यक्ष व्लादिमीर पुतिन यांनी युक्रेनच्या युद्धबंदी प्रस्तावावर भाष्य करताना जागतिक नेत्यांचे आभार मानले. अमेरिकेचे राष्ट्राध्यक्ष डोनाल्ड ट्रम्प, पंतप्रधान नरेंद्र मोदी आणि ब्राझीलचे अध्यक्ष लुईझ इनासियो लुला दा सिल्वा यांच्यासह जागतिक नेत्यांचे युक्रेन-रशिया युद्धाला तोंड देण्यासाठी केलेल्या प्रयत्नांबद्दल पुतीन यांनी आभार मानले.
गुरुवारी बेलारूसचे अध्यक्ष अलेक्झांडर लुकाशेन्को यांच्यासोबत संयुक्त पत्रकार परिषदेत बोलताना पुतीन म्हणाले की, रशिया शत्रुत्व थांबवण्याच्या प्रस्तावांशी सहमत आहे. या युद्धबंदीमुळे दीर्घकालीन शांतता निर्माण होईल आणि संकटाची मूळ कारणे दूर होतील, असा विश्वास त्यांनी व्यक्त केला. युक्रेनच्या युद्धबंदीच्या तयारीबद्दल विचारले असता पुतीन म्हणाले, युक्रेनच्या युद्धबंदीच्या तयारीबद्दल, मी तुम्हाला ते कसे पाहतो ते सांगेन. परंतु युक्रेनच्या तोडग्याकडे इतके लक्ष दिल्याबद्दल मी अमेरिकेचे अध्यक्ष श्री ट्रम्प यांचे आभार मानून सुरुवात करू इच्छितो. आपल्या सर्वांना स्वतःच्या घरगुती बाबींकडे लक्ष देण्यासारखे पुरेसे आहे. परंतु अनेक राष्ट्रांचे नेते, ज्यात चीनच्या पीपल्स रिपब्लिकचे अध्यक्ष, भारताचे पंतप्रधान, ब्राझील आणि दक्षिण आफ्रिका प्रजासत्ताकचे अध्यक्ष यांचा समावेश आहे, ते या समस्येवर लक्ष देत आहेत आणि त्यांना त्यांचा बराच वेळ देत आहेत. त्याबद्दल आम्ही त्या सर्वांचे आभारी आहोत कारण ही कृती एक उदात्त ध्येय साध्य करण्यासाठी आहे. शत्रुत्व आणि जीवितहानी संपवण्याचे ध्येय समोर आहे.
युक्रेनने ३० दिवसांच्या युद्धबंदीच्या अमेरिकेच्या प्रस्तावाला पाठिंबा दिला असून तीन वर्षांच्या युद्धानंतर रशियाशी वाटाघाटी करण्यास सहमती दाखवली आहे. युक्रेनचे अध्यक्ष वोलोदिमिर झेलेन्स्की आणि अमेरिकेचे अध्यक्ष डोनाल्ड ट्रम्प यांच्यात ओव्हल ऑफिसमध्ये झालेल्या जाहीर वादानंतर, मंगळवार, ११ मार्च रोजी जेद्दाह येथे झालेली चर्चा ही दोन्ही देशांमधील पहिली अधिकृत बैठक होती. येथे युक्रेनियन प्रतिनिधींनी अमेरिकेचा प्रस्ताव स्वीकारला ज्यामध्ये तात्काळ ३० दिवसांचा युद्धविराम करण्याची मागणी करण्यात आली होती.
हे ही वाचा :
आयपीएल २०२५ ईशान किशनसाठी सुवर्णसंधी!
बीएलएच्या ताब्यात अजूनही १५४ जवान? प्रत्यक्षदर्शी सैनिकाने पाक सेनेचा दावा केला उघड!
कोल्हापुरातील ‘शिवाजी विद्यापीठा’च्या नामांतरासाठी पुन्हा एकदा जनआंदोलन!
डी गुकेशने घेतले तिरुपतीचे दर्शन; केस देवाला अर्पण करत केले मुंडण
यानंतर ट्रम्प यांनी रशियावर निर्णय सोडला होता. रशियाला निर्णय घ्यायचा असून वाटाघाटीदरम्यान झालेल्या ३० दिवसांच्या युद्धबंदीचे पालन न केल्यास रशियाला आर्थिक परिणामांना सामोरे जावे लागू शकते, असा इशाराही अमेरिकेचे अध्यक्ष डोनाल्ड ट्रम्प यांनी बुधवारी दिला होता.
