एलिफंटा लेण्यांकडे जाणाऱ्या ‘नीलकमल’ बोटीवर मोठ्या संख्येने लाईफ जॅकेट्स ठेवलेले असले तरी, क्रू मेंबर्ससह एकाही प्रवाशाने बोट बुडायला लागेपर्यंत लाईफ जॅकेट्स बांधले नाहीत. सुरक्षेची अपुरी अंमलबजावणी आणि फेरी सेवा ऑपरेटर आणि अधिकाऱ्यांच्या सतर्कतेच्या अभावामुळे हे घडले, असे एका वरिष्ठ बंदर अधिकाऱ्याने सांगितले.
बचाव कार्यात सामील असलेल्या काही अधिकाऱ्यांनी सांगितले की, जेएनपीटी पायलट बोट परिसरात लाईफ जॅकेट्सचा साठा घेऊन बचावासाठी आली नसती, तर कदाचित मोठी दुर्घटना घडली असती. आपत्कालीन परिस्थितीसाठी लाईफ जॅकेट्स बोटीवर ठेवणे बंधनकार असले तरी जोपर्यंत आपत्कालीन परिस्थिती उद्भवत नाही तोपर्यंत कोणीही हे लाईफ जॅकेट्स परिधान करत नाहीत. या परिस्थितीमुळेच तुमचा जीव जाऊ शकतो, असे बंदर अधिकारी म्हणाले. परवाना अधिकाऱ्यांनी त्यांच्या सर्व प्रवाशांना लाईफ जॅकेट्स देण्यात अयशस्वी ठरणाऱ्या ऑपरेटरला शिक्षा केली पाहिजे, असे सागरी अधिकाऱ्यांनी म्हटले.
अपघाताच्या व्हिडिओमध्ये दिसून येत आहे की, जेएनपीटीच्या पायलट बोटीने आणलेली लाईफ जॅकेट्स घातलेले अनेक प्रवासी बुडत असलेल्या बोटीवर बचावाची वाट पाहत आहेत. कमी क्षमतेची बोट असूनही पायलट बोटीने ५६ प्रवाशांची सुटका केल्याचे प्रत्यक्षदर्शीनी सांगितले. ‘नीलकमल’ फेरी बोट ही महेश टूर्स अँड ट्रॅव्हल्सची होती. बोटीच्या परवान्याचे नूतनीकरण करण्यात आले आणि बोट जुनी असली तरी तिचे नूतनीकरण करण्यात आले, असे महाराष्ट्र मेरीटाईम बोर्डाच्या (एमएमबी) अधिकाऱ्यांनी सांगितले.
मुंबई प्रदेशात २८५ परवानाधारक फेरी बोटी आहेत. त्यापैकी गेटवे ऑफ इंडिया, फेरी वार्फ, एलिफंटा, मांडवा, जेएनपीटी, वर्सोवा आणि मढ आयलंड यांना जोडणाऱ्या ३१ वेगवेगळ्या मार्गांवर दररोज सुमारे २०० बोटी चालवल्या जातात. यातील बहुतांश बोटी अत्यंत जुन्या आहेत आणि सरकारने मालकांना बदलण्यासाठी अनुदान प्रस्तावित करूनही त्या बदलल्या गेल्या नाहीत.
हे ही वाचा :
शरद पवारांनी घेतली पंतप्रधान मोदींची भेट, दिले निमंत्रण!
फरार विजय मल्ल्याची मालमत्ता विकून १४ हजार कोटी केले वसूल!
सत्तेच्या उबेत असलेले रिकाम्या हातांचे मुके घेतील कशाला?
७६५ बळींचा मानकरी अश्विनचा क्रिकेटला अलविदा!
गेटवेवरून दरवर्षी आठ लाख प्रवासी प्रवास करतात, तसेच मुंबई महानगर प्रदेशातील इतर जेटींवरून सुमारे २० लाख प्रवासी प्रवास करतात. प्रत्येक दोन ते तीन महिन्यांनी, खोल समुद्रात नेण्यासाठी बोटी पुरेशा सुरक्षित आहेत का याची खात्री करण्यासाठी त्यांचे सर्वेक्षण केले जाते. मात्र, या बोटींची हीच अवस्था असेल तर असे अनेक अपघात होण्याची शक्यता आहे. मुंबई पोर्ट अथॉरिटी (MBPA) आणि MMB हे त्यांच्याकडून परवाना दिलेल्या बोटींसाठी अनुक्रमे वाहतूक आणि सुरक्षा व्यवस्थापक आहेत. बोट आणि त्यांचे कर्मचारी सर्व सुरक्षा नियमांचे पालन करतात का हे पाहणे आणि नसल्यास त्यांना जागेवरच दंड ठोठावला जातो का याची खात्री करणे ही या अधिकाऱ्यांची जबाबदारी आहे.
