अलौकीक प्रतिभेसमोर नतमस्तक व्हा…

बारामतीच्या खासदार सुप्रिया सुळे ज्यांचे पिताश्री शरदचंद्र पवार यांच्या कारकीर्दीत लवासा आणि आयपीएल असे भव्य दिव्य प्रकल्प राबवण्यात आले. त्यामुळे सुप्रिया सुळे यांच्या कल्पनांची भरारी भव्य दिव्य असणे स्वाभाविकच आहे. १० एकरात शंभर कोटींच्या वांग्यांची लागवड ज्यांनी शक्य करून दाखवली, त्यांच्या प्रतिभेसमोर साष्टांग नमस्कार घालण्या वाचून पर्याय तरी कोणता उरतो? ‘मी जर महायुतीच्या सत्ताधाऱ्यांच्या जागी असते तर मेट्रोवर हजारो कोटी रुपये खर्च केले नसते’, असा उत्तुंग षटकार संसदरत्न सुप्रिया सुळे यांनी एका कार्यक्रमात बोलताना मारला आहे.