30 C
Mumbai
Friday, September 20, 2024
घरविशेषमहागाई कुठे आहे? आयफोन खरेदीसाठी लागल्या रांगा

महागाई कुठे आहे? आयफोन खरेदीसाठी लागल्या रांगा

आयफोन १६ ची विक्री शुक्रवार, २० सप्टेंबर रोजी भारतात सुरू

Google News Follow

Related

काही दिवसांपूर्वीचं ऍपल कंपनीने आयफोन १६ बाजारात आणला असून या बहुप्रतिक्षित आणि बहुचर्चित आयफोन १६ ची विक्री शुक्रवार, २० सप्टेंबर रोजी भारतात सुरू झाली आहे. त्यामुळे देशभरातील आयफोन प्रेमींनी ऍपल स्टोअरबाहेर फोन खरेदी करण्यासाठी गर्दी केली आहे. मुंबई, दिल्लीतील स्टोअरबाहेर सकाळपासून लोकांनी आयफोन १६ खरेदी करण्यासाठी रांगा लावल्या आहेत.

कंपनीने ९ सप्टेंबर रोजी त्यांच्या ऍन्युएल इव्हेंट ‘इट्स ग्लोटाईम’मध्ये AI फिचर्स असलेली आयफोन १६ सीरिज लॉन्च केली होती. त्यानंतर शुक्रवारी आयफोन १६ भारतात दाखल झाला असून ऍपल स्टोअर्समध्ये विक्रीसाठी उपलब्ध झाला आहे. पण त्यापूर्वीच मध्यरात्रीपासूनच मुंबईतील बीकेसी येथील स्टोअरबाहेर ग्राहकांनी प्रचंड गर्दी केली असून लांबच लांब रांगा लागल्या आहेत. अशीच काहीशी गर्दी आयफोन १५ बाजारात आला तेव्हा लोकांनी केली होती. लोकांनी थेट गुजरातमधूनही या फोनसाठी मुंबई गाठले आहे.

हे ही वाचा : 

माजी प्राचार्य संदीप घोष आता नावापुढे डॉक्टर लावू शकणार नाहीत !

हिंदू सणांच्या मिरवणुकीवर दगडफेक आणि ईदच्या मिरवणुकींवेळी भाईचारा

‘गांधी कुटुंबाकडून पंजाबला जाळण्याचे काम’

नंदुरबारमध्ये दोन गट भिडले, गाड्यांची जाळपोळ, तोडफोड!

एका ग्राहकाने सांगितले की, “मी गेल्या २१ तासांपासून रांगेत उभा आहे. काल सकाळी ११ वाजता येथे आलो असून रांग लावून उभा होतो. आज सकाळी ८ वाजता दुकानात प्रवेश करणारा मी पहिलाच व्यक्ती आहे. मी खूप उत्साही आहे.”

आयफोन १६ फोनची किंमत ७९९ अमेरिकन डॉलर्स म्हणजेच साधारण ६७,००० रुपयांपासून पुढे आहे. तर, आयफोन १६ प्लसची किंमत ८९९ अमेरिकी डॉलर्स म्हणजेच साधारण ७५,५०० रुपये आहे. आयफोन १६ प्रो (१२८ जीबी) मॉडेलची किंमत ९९९ अमेरिकन डॉलर्स म्हणजेच ८३,८७० रुपये आहे. आयफोन १६ प्रो मॅक्स (२५६ जीबी) मॉडेलची किंमत ११९९ अमेरिकी डॉलर्स म्हणजेच साधारण एक लाख रुपये आहे. प्रत्येक देशात तेथील स्थानिक कर रचनेनुसार आयफोन १६ सिरीजच्या फोनची किंमत वेगवेगळी असणार आहे.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

49,899चाहतेआवड दर्शवा
2,036अनुयायीअनुकरण करा
178,000सदस्य यादीसदस्य व्हा

इतर नवीनतम कथा