गुजरातमधील जामनगर भागातील रहिवाशांचे उदरनिर्वाहाचे साधन असलेल्या रणजीत सागर धरणावर अनधिकृत दर्गा बांधण्यात आल्याचे आढळून आले आहे. आश्चर्यकारक बाब म्हणजे सन २०२२मध्ये प्रशासनाने हा दर्गा हटवण्याचा लेखी आदेश दिल्यानंतरही तेथे दर्गा कायम आहे. त्यामुळे स्थानिक हिंदू कार्यकर्ते संतापले असून अधिकारी याकडे फारसे लक्ष देत नसल्याची तक्रार केली आहे. अधिकारी मात्र आवश्यक ती कारवाई केली जाईल, असा दावा करत आहेत.
जामनगर जिल्ह्यातील हर्षदपूर आणि नवा मोखानैन या गावांच्या मध्ये असलेल्या रणजीत सागर धरणाच्या आत ‘हजरत पंजूपीर दर्गा शरीफ’ नावाचे धार्मिक स्थळ आहे. येथे एक दर्गा बांधण्यात आला आहे. सार्वजनिक मालकीच्या जलमार्गांवर खासगी संरचना बांधणे बेकायदा आहे. तथापि, हा दर्गा सरकारी जमिनीच्या १० हजार ते १५ हजार चौरस फूट क्षेत्रफळावर उभे आहे. जामनगरमधील हिंदू कार्यकर्त्यांनी या संदर्भात सन २०२२मध्ये अधिकाऱ्यांना एक याचिका सादर केली होती, ज्यामध्ये हा दर्गा ताबडतोब काढून टाकण्यात यावा, अशी मागणी करण्यात आली होती.
अतिक्रमणाच्या तक्रारीनंतर अधिकाऱ्यांनी मालमत्तेचे सर्वेक्षण करून हा दर्गा सरकारी जमिनीवर बांधण्यात आला असल्याचे आणि बेकायदा असल्याचे नमूद केले होते. सप्टेंबर २०२२मध्ये, अधिकाऱ्यांनी या दर्ग्याच देखभाल करणारे कासम हसन ओडिया यांना हा दर्गा हटवण्याचा आदेश दिला. तसेच, सरकारी जमीन रिकामी न केल्यास महसूल संहितेच्या कलम २०२ अंतर्गत नोटीस बजावली जाईल आणि अधिकारी हे बांधकाम पाडतील, असे आदेशात नमूद केले आहे. मात्र हे बांधकाम जैसे थे आहे.
हे ही वाचा:
शादाब, शोएबकडून अल्पवयीन दलित मुलीचा विनयभंग!
‘पगडी घालून पंतप्रधान मोदी पोहचले गुरुद्वारात, स्वतः रोटी लाटून जेवणही वाढलं’
“मशाल आणि तुतारी ४ जूननंतर राज्यात दिसणार नाहीत”
पक्ष फोडला, उद्योग नेले यावरून मुलाखतीत उद्धव ठाकरेंची रडारडी
याबाबत ‘कब्जा हटाओ संघर्ष समिती’चे कार्यकर्ते युवराज सोलंकी यांच्याशी संपर्क साधला असता, त्यांनी अधिक माहिती दिली. ‘धरणाच्या मागील बाजूस एक मोठा दर्गा आहे. आहे. यात प्रत्येकी ३१-३१ फुटांची आणखी तीन देवस्थाने आहेत आणि त्याच लांबीचा नवीन बांधलेला दर्गा आहे. २०२२मध्ये आम्ही समितीच्या वतीने जिल्हाधिकाऱ्यांना अर्ज सादर केला होता,’ असे त्यांनी सांगितले.
‘जामनगर रणजितसागर धरणातील हा दर्गा गेल्या ३०-३५ वर्षांत बांधले गेले आहे. धरणाच्या या भागात पाणी शिरल्यावर पावसाळ्यात हे सर्व पाण्याखाली जाते. जामनगरची पाण्याची गरज भागवण्यासाठी सध्या धरण ‘सौनी योजना’ (सौराष्ट्र नर्मदा अवतार सिंचन योजना उपक्रम) द्वारे भरले जात आहे आणि परिणामी, हे ठिकाण अंदाजे अर्धे वर्ष पाण्याखाली असते आणि उर्वरित अर्ध्या कालावधीत बाहेरच राहते. महत्त्वाचे म्हणजे आजूबाजूची सर्व खेडी हिंदूंची वस्ती आहे,’ असेही त्यांनी सांगितले. ही तक्रार दर्ग्याची काळजी घेणारे मुंजावर यांच्या विरोधात करण्यात आली आहे, ते जवळच्या गावात राहतात. ते येथील रहिवासी नाहीत. या दर्ग्याच्या मंदिराच्या बांधकामात सरकारचा सहभाग असल्याचे दिसून आले. शेड तयार करण्यासाठी वापरलेले खांब बीएसएनएलचे आहेत.
युवराज सोलंकी यांनी खुलासा केला की, आम्हाला कळवण्यात आले होते की पाणी तुंबले असल्याने कोणतीही कारवाई करता येत नाही, तरीही पाणी ओसरले तरी काहीच केले नाही. ती जागा आता रिकामी आहे. आज, पाणी नसल्यामुळे, बुलडोझर सहजपणे या भागात पोहोचू शकतात.जामनगरचे जिल्हाधिकारी बी. के. पंड्या यांनीही याबाबत माहिती दिली. ‘मी दोन महिन्यांपूर्वीच पदभार स्वीकारला असल्याने असा कोणताही मुद्दा माझ्या लक्षात आला नाही. तथापि, या संदर्भात काय काम केले आहे हे जाणून घेण्यासाठी मी रेकॉर्ड तपासेन,’ असे ते म्हणाले.
