पंतप्रधान नरेंद्र मोदी यांनी तामिळनाडू येथील सेलमध्ये ऑडिटर रमेश यांचे स्मरण केले. त्यांनी पक्षासाठी केलेल्या बलिदानाचे स्मरण करून श्रद्धांजली वाहिली. त्यांनी माजी प्रदेशाध्यक्ष दिवंगत के. एन. यांच्यासह अनेक नेत्यांचा उल्लेख केला. भाजपच्या विस्तारात ज्यांनी मोठे योगदान दिले त्या लक्ष्मण यांचेही त्यांनी स्मरण केले. लक्ष्मण यांनी आणीबाणीला तीव्र विरोध केला होता असेही पंतप्रधान मोदी म्हणाले. यावेळी बोलताना पंतप्रधान मोदींनी अशा समर्पित पक्ष कार्यकर्त्यांच्या यादीचा उल्लेख केला. ते म्हणाले, मला ऑडिटर रमेश आठवतात. ते आमच्या पक्षाचे समर्पित नेते होते. ते एक उत्तम वक्ते आणि अतिशय कष्टाळू होते.
हेही वाचा..
गरिबांचे धर्मांतर करण्याचा गाझियाबादमध्ये प्रकार
के. कविता यांनी ‘आप’ला १०० कोटी रुपये दिल्याचा आरोप
गुजरात विद्यापीठात हाणामारीचे कारण फक्त नमाज नाही…
दिशाभूल करणाऱ्या जाहिरातींवरून कोर्टाकडून बाबा रामदेवांना हजर राहण्याचे आदेश!
भाजपचे माजी प्रदेश सरचिटणीस ‘ऑडिटर’ व्ही रमेश (५४) यांच्यावर सालेम शहरातील त्यांच्या घराजवळ जुलै २०१३ मध्ये इस्लामवाद्यांनी धारदार शस्त्रांनी हल्ला केला होता. त्यावेळी गुजरातचे तत्कालीन मुख्यमंत्री नरेंद्र मोदी यांनी या धक्कादायक प्रकरणातील दोषींवर कारवाई करण्याची मागणी केली होती.त्यानंतर पोलिसांनी फकरुद्दीन आणि बिलाल मलिक या दोन आरोपींना ताब्यात घेतले होते. दोन वेळा प्रदेश भाजपचे सरचिटणीस म्हणून काम केलेले रमेश हे त्यांच्या कट्टर हिंदुत्ववादी भूमिकेसाठी प्रसिद्ध होते. एनडीएच्या कार्यकाळात त्यांची चेन्नई पोर्ट ट्रस्टचे विश्वस्त म्हणून नियुक्ती करण्यात आली होती.
रमेश यांचे भाऊ शेषाद्री हे अखिल भारतीय विद्यार्थी परिषदेचे राष्ट्रीय सचिव होते. त्यांच्या हत्येच्या एक आठवडा आधी, रमेश यांची राज्याचे अधिकृत पक्ष प्रवक्ते म्हणून नियुक्ती करण्यात आली होती. त्याच्या अकाली मृत्यूपूर्वी ते अनेक हल्ल्यांपासून वाचले होते. २०११ मध्ये एका त्यांचा खून करण्याचा प्रयत्न देखील झाला होता. त्यावेळी त्यांची कार जाळण्यात आली होती.
